30ê hezîrana 1996î de Dêrsim de bahozêk werişt we. Zîlane mojna ke senî çêrîya cinîyan eşkena dinya bilerzna. A roje sey ‘Roja Fedayîtîye’ derbazê tarîxî bîye. Zîlane bi çalakîya xo derbêka girane da artêşa tirke ro.

Zeynepe Kinaci 10ê tebaxa 1972yî de dewa Elmaliyî ya Meletî de mîyanê keyeyêkî de, eşîra Mamurekî de dadîya xo ra bena. Zîlane dibistana verêne û mîyanêne Meletî de wende, Lîseyê Meslekê Weşîye yê Haydarpaşayî yê Îstanbulî de wend û dest bi karî kerd. A Nêweşxaneyê Dewlete yê Bêrecukî yê Riha de xebitîyayêne. Aye 1990 de Fakulteya Perwerdeyî ya Zanîngehê Înonuyî qezenç kerd û  verê xo da Meletî. Aye Nêweşxaneyê Dewlete de wezîfe rê dewam kerdêne. Zîlane wextê lîseyî de fikrê çepgîran şinasnabî. Aye zanîngeh de zî têgêrayîşê kurdan şinasna û 1994 de tewra PKKyî bîye. Zîlane 30ê hezîrana 1996î de Meydanê Cumhurîyetî yê Dêrsimî de merasîmê ale yê leşkeranê tirkan de çalakîya fedayîye kerde. Aye bedenê xo ser de bomba teqnaye. Çalakîye vera xîretê suîkastî yê serê Rayber Apoyî amebî kerdene.

Rayber Apoyî çalakîya Zîlane ser o wina vatibi: ‘’Tarîxê PKKyî de çalakîya tewr netîcedar a. Zîlane pê kesayetê xo yê şerker û çêrî bîya fermandar. Zîlane kesayetîya sembola serfîrazî ya. Zîlane nameyê yewîya cuye ya pîle yan zî yewkerdişê serfîrazî û eşqî ya. Zîlane ganîbîyayîşê tarîx û cinîyan a. Zîlane manîfesto ya.''

Fedayîtîye bîye adirê bingeyê Têgêrayîşê Azadîye yê Kurdan. No adir Tirkîya de serranê 70an de rojanê tewr giranan de vejîya. Awanbîyayîşê PKKyî 1977 de bi şehadetê Hakî Karerî ruhê fedayîtîye aferna. 

1982 de ruhê fedayîtîye Zîndanê Amedî de vera îşkence, teslîmîyet, teda û kerdişanê xiraban vurîya destanî. Mazlûm Doganî Newroza 1982yî de adirê azadîye vist  ta. Çaran (Ferhat Kûrtay, Eşref Anyik, Mahmût Zengîn û Necmî Oner) û Xoverdayoxanê Rojeyê Mergî yê Pîlî Kemal Pîr, Hayrî Dûrmûş, Akîf Yilmaz û Alî Çîçekî no ruh resna serkewtişî. 

15ê tebaxa 1984î de ruhê fedayîtîye bi guleyê Fermandar Egîdî şerê gerîlayan da destpêkerdene. Çalakîya fedayîye ya Zîlane ruho fedayî vist lewe û têkoşînê azadîya cinîyan kerd esas. 

Xeta fedayîye ya Zîlane ewro her cenetê Kurdîstanî de zerrîya merdiman de ya. Xoverdayîşê Zap, Metîna û Avaşînî nîşaneya na xete ya. Gerîlayê HPG û YJA-Starî vera artêşa NATOyî ya tewr xurte ya diyîne xo ver danê.

Çeperê şerî yê Şehîd Berxwedanî zî mîsalê nê ruhê fedayîtîye yê. Gerîlayan 48 rojan vera her tewirê sûcê şerî yê dewleta tirke tîya de şer kerd. Tîma fedayî ya çar kesan Bager Gever, Avzem Çiya, Arîn Kobanê û Şerzan Hingirvan 2yê hezîrane de sing bi singî vera dişmenî şer kerd. No mîrasê Zîlane bi. Xeta Zîlane koyan de û her warê cuye de ya. Rojava, Şingal, dîaspora û her parçeyê Kurdîstanî de ya. Adirê Zîlane hêvîya şaran a.

30ê hezîrane de roja yadkerdişî û sondwerdişî ya. Fedayîtîya Zîlane seba pêroyê kurdan metodê ciwîyayîşî yo.