Kursîtan de binê nayemê “asayîşî’’ de qirkerdişo ekolojîk yeno kerdeen. Tewr zaf zî Şirnex, Çewlîg û Bedlîs darî yenê birnayene. Seba ke darî newera mevejîyê, darî qoqî ra yenê birnayene. Şêxanê Mûşî de badê di serran îtîrazê dewijanî ra dima birnayîşê daran ame vindarnayene. Warê bi desan hekdarî de bi hezaran darî ameyî birnayene. Koyê wareyî dûrî ra ameyêne ferqkerdene ke ameyo tiraşkerdene. Waro ke emser tede birnayîş nêame kerdene qoqan xo newera ramojna, koyo ke par bêreng bi emser bi rike newera şîn bi. Dewijan vat ê do birnayîşê daran têkoşînê xo bidomnê.

Herêma Şêxanî ya Mûşî de mabênê serranê 2023 û 2024î birnayîşê daran dest pêkerd û di serrî kerd derg. Nê birnayîşê daran tesîrê koçeran û heywanan zî kerd. Dewijan vera zirarî nêrazîbîyayîş mojna û musade nêkerd dahîna zaf darî bêrê birnayene. Bitaybetî dewanê koyê Andokî de dewijn semedê birnayîşê daran îmzayî nêdayî û verê birnayîşî girewt. Dewijan vat: “Nê darî her çîyê ma yê, eke ê çîn ê ma zî çîn ê. Wazenê pîya bi daran ma zî çîn bikerê. Par înan warêko gird çîn kerd. Emser çim verdayo tîya la ma destur nêda. Ma pîya bi daran warê cuya xo, awa xo pawenê.”