Serekê Meclîsî Numan Kurtulmuş semedê komîsyonî yo ke yeno plankerdene ke derheqê çarserîya meseleya kurdan de bêro ronayene, serekwekîlanê grûbe yê partîyanê sîyasîyan reyde ame têhet. 

Kombîyayîşo ke nizdê hîrê saetan kerd derg, hetan derheqê waştiş, çarçewa û awanîya ci de fîkrê xo yewbînan de bare kerd.

Serekwekîla Grûba DEM Partî Gulîstane Kiliç Koçyîgîta ke badê kombîyayîşî persê rojnamegeran cewab kerdî, ard ziwan pêvînayîş zaf hol ravîyart la seba ke partîyanê bînan ra çewî eşkerayîye nêdaye, ê zî detayan nêdanê.