Şaristananê Duisburg û Hamburgî yê Almanya de seba paştdayîşê bi Partîya Çep a Keske şayîyî ameyî kerdene.

Duisburg de Endamê Merkezê Komelê Kurdan ê Demokratîkî yê Duisburgî Mesut Avra û Endamê Koordînasyonê Weçînayîşî yê Partîya Çep a Keske Onur Guler bîyî pêşkêşwanê şewe.  Şewe de hunermendî Mehmet Aktaş, Devrîm Kavalî, Seyda Perînçek û Koma Agirê Rojê vejîyayî sehne ser. Hemsereka KON-MEDî Zubeyde Zumrut û sîyasetmedar Lezgîn Botanî zî qiseykerdişê xo de venga pêro beşdaran da ke wa raya xo bidê Partîya Çep a Keske.

Hamburg de Namzedê Partîya Çep a Keske yê Çewlîgî Omer Faruk Hulaku, sîyasetmedarî Selma Irmak û Necdet Atalay tewrê şewe bîyî. Şewe de hunermendî Şivan perwer, Dîlan Top û Erkan Top, Erdogan Emîr û Koma Cemre vejîyayî sehne ser. 

Namzedê Çewlîgî Omer Faruk Hulakuyî şewe de venga beşdaran da ke wa raya xo bidê Partîya Çep a Keske û vat: ''Ma pîya no têkoşîn da destpêkerdene, ma do pîya ser bikewê.''

Şewe de mesajê Îdrîs Balukenî, Hemvervatoxanê Partîya Çep a Keske, Namzeda Dêrsimî Aytene Kordu, Namzeda Çewlîgî Cemîle Turhalli Balsak û Wekîla Die Linke Cansuye Ozdemîr ameyî wendene.