Kongreya 12ine ya PKKyî mabênê 5-7ê gulane de Herêmanê Pawitişî yê Medya de amebî kerdene.

Hemserekê Konseya Rayberdişî ya KCKyî Cemîl Bayikî kongre de wina qisey kerd:

‘’Meseleya ma ya esase helbet famkerdiş o. Bi kongreya yewine Rayber Apoyî manîfestoyêk da ma verî. Ma xeylê netîceyî heta nika vistî destî. Serkêşîya Rayber Apoyî de têkoşînêko pî ame kerdene. PKKyî seba kurdan nasnameyêk awan kerd. Ez bi xo nê tarîxî ra kêfweş a. Tarîxê PKKyî rixmê kêmasî û şaşîyan zî seba şarê kurdî û merdimatîye keramet û erjê pîlî viraştî.

Têkoşînê Rayber Apoyî seba azadîye bi. Rayber Apoyî bi bedelanê pîlan û dejanê pîlan mîyanê PKKyî de no kerd. Rayber Apoyî hema destpêk de kêmasîyî dîyî û goreyê ney felsefe, teorî, îdeolojî, rayberî, rêxistinî û milîtanîya komelî aver berdî. Rayber Apoyî hema destpêk de îrade kerd esas, nê îradeyî ser o têkoşîn aver berd. Rayber Apoyî Îmraliyî ra vat ke o eşkeno rewşe zemînê şerî ra bigêro bero zemînê sîyasîyî.

Ma Apoyî yê. Ma tewrê Rayber Apoyî bîyê. Coka ganî ma nê manîfestoyê Rayber Apoyî hol fam bikerê. Rayber Apoyî tim seba çareserîya meseleyan xîret kerd. Dişmenî çend waşt ey çin bikero zî Rayber Apo hetê dinya ra ame heskerdene. Seba ke şaşî û kêmasîyî nêvirazîyê ganî ma sey beşdaranê na kongre erk û mesuldarîyanê xo bîyarê ca. Sey ronayoxanê kongreya verêne ney la hîna zaf erkê giranî verê ma de yê. Ganî ma goreyê Rayber Apoyî erk û mesuldarîyanê xo fam bikerê û bîyarê ca.

Xora ganî ma tehlukeyanê verê ma zî bivînê û nînan werte ra wedarnê. Nika Rayber Apo bi paradîgmaya newîye û manîfestoyê diyînî wazeno ke meseleya kurdan çareser bikero. Coka erk û mesuldarîyê ma zî giran ê. Vengdayîşê Rayber Apoyî ser o ez her kesî rê serkewtiş wazena.’’