Koordînasyonê KJKyî bi eşkerayîyêke şehîdê menga gulane yad kerdî. Eşkerayîye wina ya:

‘’Gulane menga cewabê manadarkerdişê vîrameyîşê şehîdan û layîqbîyayîşê şehîdan a. Rayber Apoyî dima ke 18ê gulana 1977î de embaz Hakî Karer şehîd bi seba perwerîya şehîdan PKK naro. Serkêşanê şorişê Tirkîya ra Denîz, Yusuf û Huseyîn, Sînan, Alpaslan, Kadîr, Îbrahîm Kaypakkayayî zî peyê xo de mîrasêko pîl verda. Embaz Hakîyî ra heta Halîl Çavgun, Ferhat, Eşreg, Gurbete Aydin, Aytene Bagok, Rojbîne Serhat, Hêlîne, Melsa Munzur, Şîrîne Elumhulî, Erdal, Êrîş, Andok, Ferzad Kemanger û Kasim Engînan şehîdê Kurdîstanî bi erjanê şorişî bîyî bêmerg. Şorişgêranê Kurdîstan û Tirkîya bi bêmergîye erjê demokrasî û şorişî pîya afernayî. Coka tarîxê têkoşînî de gulane bîye menga şehîdan.

Tewr peyên Kongreya 12ine ya PKKyî de şehadetê embazan Alî Haydar Kaytanî (Fuat) û Riza Altunî ameyî îlankerdene. Ma şexsê embaz Hakî Karer, Fuat û Rizayî de pêro şehîdanê gulane bi rêz, minet û heskerdişî yad kenê. 

Şehîdan seba xeyal, cu, hêvî û hesreta xo şer kerd la tim xo deyndar hîs kerd. Ma hêz û îradeyê xo têkoşînî nê embazanê xo yê qehremanan ra girewt. Seke Rayber Apoyî vatibi ‘Têkoşînê ma seba layîqbîyayîşê şehîdan o.’ Seba ke layîqê şehîdan bibê û têkoşînê înan pîlêr bikerê ma têkoşîn kenê.

Şehîdanê xelqaya erjan ê tewr peyênan ra ronayoxanê PKKyî ra embaz Fuat sembolê ‘perwerîya bi Rayberîye û cuya raştîye û fîraze’ bi. O sey dêrwîşêkî ciwîya. Embaz Fuatî şexsê xo de paradîgmaya ekolojîke, demokratîke û azadîgîra cinîyan arde ca, taybetmendîyê camêrdîye rijnayî û seba embazîya cinîyan a tewr manadare têkoşîn kerd. O şorişgêrêko pîl bi ke ey tim Rayber Apo wendêne. Ey xîret kerd ke erjê ke afernayê bibê komelkî.

Embazanê Rayber Apoyî yê verênan ra Riza Altun bi wesîleya Kemal Pîrî Rayber Apo şinasna û heta peynî ey seba perwerîya Rayberîye têkoşîn kerd. Ey tim xo aver berdêne, ça de hewce bibo uca de Apoyîyo pîl bi. O tim îfade kerd ke cu, têkoşîn, xoverdayîş û serkewtişî dadîya xo ra qehremane ra musayo.

Embaz Fuat û Rizayî tim cuya sosyalîste ya bi cinîyan kerd esase. Ê tim raştîya sosyalîzme de ciwîyayî. Înan bi vatişê ‘Oyo mende Apoyî ya’ xo tim sey Apoyîyan îfade kerd. Ê bi azadî fikirîyayî, înan se vat kerd. Ê zanayeyê koyan û Kurdîstanî yê.

Embazê ma Fuat û Riza seba ke kilîdê koyanê Dêrsimî bivînê kewtibî rayîr. Ma ewro eşkenê vajê ke kilîdê koyan dîyayo û no kilîd do berê pêro koyanê Kurdîstanî abikero. Mesuldarîya ma na ya ke ma zî rêçê nê embazan ra şorê, sey înan Apoyî bibê. Înan ma rê kerd erk ke ma sey înan têkoşîn bikerê û bi krîteranê Apoyîyan biciwîyê.

Nê esasî ser o ma şexsê embazanê ma Hakî, Fuat û Rizayî de pêro şehîdanê gulane ancî yad kenê. Sere de cinîyî û ciwanî ma venga pêro kesan û şarê ma danê ke şehîdanê gulane bişinasnê, mîrasê înan pîlêr bikê û wayîrê nê mîrasî vejîyê.’’