Serekê Pêroyî yê MHPyî Devlet Bahçeliyî qerarê kongreya PKKyî nîşan dayî û  vat,'' Ma kewtî merhaleyêka newî ke zaf hesas a û zaf sebir hewce keno.''

Bahçeliyî wina vat: ''Gerek her kes ziwanê berpirsîyarî bişuxulno, dîqat bikero ke verê provokasyonan bêro girewtene. Zaf muhîm o ke çew hesabê menfeatê xo mekero. Haştîye mîlçika yewpel nîya. Xora wina nêeşkena fir bido. Seba ke bieşko fir bido gerek pelê diyînî  zî bêro panayene.''

Bahçeliyî veng da ke sey xerîtaya rayîrî wa meclîs de komîsyon bêro ronayene û nê vatî: ''Bi vengdayîşê serekê meclîsî, temsîlkarê 16 partîyan ê sîyasîyan ke meclîs de ca genê, ê zî tede wa 100 kesan ra Komîsyonê Yewîya Mîllî û Paştdayîşî bêro ronayene.''