Pêvînayîşê Serekwekîlanê Grûba DEM Partî Gulîstane Kiliç Koçyîgît û Sezaî Temellî yê bi Wezîrê Edaletî yê Tirkî Yilmaz Tunçî yo ke Wezîrîya Edaletî de ame kerdene, qedîya.  Pêvînayîşo ke saetêke kerd derg, Hemvervatoxê Komîsyonê Huqûq û Heqanê Merdiman ê DEM Partî Ozturk Turkdogan zî tewrê ci bi.

Sezaî Temellîyî ke badê pêvînayîşî eşkerayîye daye nê vatî: “ Semedê ma pêvînayîşêko zaf muhîm bi. Çunke semedê caardişanê zîndanan probleme giranî est ê. Ma nê problemî ardî ziwan. Derheqê nê probleman de ma fîkrê xo ardî ziwan. Ma hêvî kenê ke wezîrîye na babete de çîyo ke hewce keno, helêke cuwa ver bikero. Ma na çarçewe de pêvînayîş kerd. Ma vat hewcedarîya çarserîye est a ke gerek cade bêro caardene. Ey zî vat ê na babete de xebityenê. Nê tengayîyî înan rê zî yenê vatene. Vat ê ferqê nê de yê. Ma zî waşt wa lezabez na babete bêro rojdem. Tepişteyê nêweşî gangeş de yê, sere de tepişteyê nêweşî, ma caardişê ke pêro tepişteyan ser tesîr kene, ardî ziwan.”