Rêxistina Efûye ya Mîyanneteweyîye (Amnesty International) vizêr bi eşkerayîyêke venga selahîyetdaranê Îranî da ke tepişteyanê sîyasîyan cade vera bido û tepişteyê ke binê tehlukeyê hêrişanê Îsraîlî de yê, nînan bipawo.

Eşkerayîye de ame îfadekerdene ke ganî selahîyetdarê zîndanî û hêzê asayîşî bi taybetî vera tepişteyan hêz yan zî çeke nêşuxilnê.

Rêxistine dîyar kerd ke dîmen û raporê hêrişê Zîndanê Evîne verê qesawetan akenê. Rêxistine vist vîrî ke hêrişê qestî yê vera sivîlan sûcê şerî yo.

Zîndanê Evîne paytextê Îranî Tehran de yo û tede xeylê tepişteyê sîyasî yê kurdî zî est ê. Îsraîlî vizêr hêrişê zîndanî kerdibi.