Nobeta Seba Ocalanî Azadîye ya ke verê Konseya Ewropa (KE) ya Strasbourgî yê Fransa de yena kerdene kewte hewteyê 391. Nê hewte 5 kurdîstanijanê ke Villiers-le-Bele ra ameyî nobete  dewr girewte.

Nadir Ozdemîr, Soro Karakoçan, Selçûk Karasû, Şoreş Demîr û Hasan Alagoz hewa serd zî bi seba azadîye Ocalanî nobeta xo dewam kenê.

Nameyê kome ser o Nadîr Ozdemîrî qiey kerd û vat: "Hewayo serd nêeşkeno ma armancê ma ra bivisno dûrî." Ozdemîrî vat pawitişê Rayberîya kurdan wezîfeyêko tewr rat o û ê do nê armancî ra dûrî nêkewê.
Vervatoxê kome vat heta nika kurdan menfaatê xo dayî destê şaranê bînan, seba şaranê bînan xebitîyayî û domananê xo rê mîrasêk nêverd û ê hînî wazenê ke na rewşe ra bixelîsê û vat: "Ma venga kurdan û merdimanê biwijdanan danê ke Rayberîya ma bipawê." Vervatoxê kome vat Ocalan û têkoşînê azadîya kurdan sîstemê faşîstî tersnenê û vat: "Ma rayîrê rastî ser o yê û rayraşîyayîş wezîfeyê ma yo."