Mazlûm Dag û Abdurrahman Er bi îdîaya ke endamê MÎTî Osman Kose kişt hetê îdareyê Hewlêrî ra cezaya îdamî dîyaye înan.

Rayberîya Yewîya Pawitoxanê Ewropa ya Seba Demokrasî û Heqanê Merdiman a Dinya(ELDH) û Lîgê Heqanê Merdiman ê Swîsre (LSDH) komêka  paqitoxanê heqanê merdiman, sîyasetmedar û zanyaran Serekê Herêma Kurdîstanî Nêçirvan Barzanî rê mektubêk erşawit. Mektub bi rayîrê temsîlkarîya îdareyê Hewlêrî ya Bernî ya Swîsre rê erşawîya.

Mektub de yeno waştene ke bira îdamî cade bêra betalkerdene û cezaya îdamî qanûnê Başûrê Kurdîstanî ra bêra vetene.

Mektub de ame vatene ke îdam binpaykerdişê heqanê merdiman o û wina ame parekerdene: ''Eke bira îdam bêra caardene alozîyan mabênê PKK û PDKyî do biba giranêr û zerar do bireso yewîya kurdan.''

Êyê ke morê xo da binê mektubî nê yê: Franco Cavalli, Dick Marty, Jean Ziegler, Fabian Molina, Fehlmann Rielle, Carlo Sommaruga, Ragip Zarakolu, Malik Ozden, Deniz Arbet Nejbır, Jamshid Pouranpir, Thomas Schmidt, Engin Sustam, Darren Dinsmore, Brice Dickson, Cahal Mclaughlın, Brian Jack, Martin Regan, Zeynep Kurban, Gillian Mcnaul, Alfred de Lleida, Paul Temptan, Adam Harkens.