Basel, Lavrio û Paris de bi merasîman qurbanê Qirkerdişê Mereş û 19ê Kanûne ameyî yadkerdene.

Basel

Şaristanê Baselî yê Swîsre de qurbanê qirkerdişanê Mereş, 19ê Kanûne û Roboskî bi merasîmêk ameyî yadkerdene. Merasîm de çirayî ameyî tavistene, gulbangî ameyî dayene.

Merasîm de sîyasetmedarê kurdî Demîr Çelîkî qisey kerd û ard ziwan ke ewro bi destê îqtîdarê AKP-MHPyî qirkerdişî dewam kenê.

Lavrio

Kampa Lavrioyî ya şaristanê Atina ya Yunanîstanî de rayberîya TCŞyî de bi merasîmêk qurbanê Qirkerdişê 19ê Kanûne û şehîdî Delîl Sipan (Îbrahîm Tek), Alîşêr Xelikan û Dayîke Taybete ameyî yadkerdene. Ciwanan merasîm de paştî daye grevê vêşanîye yê tepişteyan ê vera tecrîdê Îmraliyî.

Paris

Paytextê Fransa Paris de rayberîya rêxistinanê sey ADHK, ACTIT, ATTIK-FRANSA, CDK-F, TJK-F, PROLETER DEVRIMCI DURUŞ, ODAK-PARIS, FEDA û Partizanî de bi merasîmêk qurbanê Qirkerdişê 19ê Kanûne ameyî yadkerdene. Merasîm de posterê Rayberê Şarê Kurdî Abdullah Ocalanî û alayê PKKyî ameyî akerdene. Merasîm bi sloganê 'Biciwîyo Xoverdayîşê Zîndanan' qedîya.