Bi wesîleya Roşanê Qûrbanan merdimanê Rayber Apoyî û tepitşeyanê bînan ê Îmraliyî 7ê hezîrne de pêvînayîş kerd. Wekîlê DEM Partî yê Riha Omer Ocalanî derheqê pêvînayîşî de hesabê xo Xî zanayîş da.

Omer Ocalanî da zanayene ke Rayber Apoyî Unîversîteya Kobanê rê selamê xo şawitî û wina vat: “Wendekarî gerek goreyê modernîteya demokratîke, fikr û îdeolojîya ma perwerde bigîrê û biwanê.”

Omer Ocalanî nê vatî: “Pêvînayîşê ma yê roşanî de Birêz Abdullah Ocalanî selamê xo Unîversîteya Kobanê rê şawitî û pêro kedkar û karker, wendekar û akademîsyenê ci pîroz kerdî. Birêz Ocalanî xebetê Unîversîteya Rojawanî zaf erjîyaye hesibnayî. Unîversîte sey binge û halîngê azadîye, seyyewbînîye û înşakerdişê îdeolojîya demokrasîyî vîna û estbîyayîşê unîversîte rê mîsyonêko newe û modern sey azadîye fîkrî û afirnayîşê entelektuelî bar kerd. Pê unîverstîya bi sereberz û unîversîte û wendekaran û xîretkerdişê înan rê serkewtiş waşt.”