Sabrî Okî pare kerd ke PKKyî tarîxî rê xoverdayîşo 52 serrî verdayo û vat: ‘’Erkê ma yê pêroyînan o ke verê gama ke Rayber Apoyî wazeno bierzo de bi hişmendî û xoverdayîşî ma bikewê prosesê neweyî. Xo rê û Rayber Apoyî rê bawer bikerê.’’
Endamê Konseya Rayberdişî ya KCKyî Sabrî Okî Kongreya 12ine ya PKKyî de wina qisey kerd:
‘’Ganî ma nêkewê verê feshkerdişê PKKyî. Rayber Apo bi ney şay o. Rayber Apo bi xo, bi prosesî bawer o û vano ‘no îradeyê min o.’ PKK wayîrê tarîxê 52 serrî yo. Nê erj ê. PKK yew ruh, exlaq û cuye yo û Rayber Apo yo. Ma tim vanê ke ma Apogîr ê.
Rayber Apoyî ameyox dî. Hêzo ke sey PKKyî têkoşîn kerd çin o. Nika Rayber Apo wazeno berê dewrê neweyî abikero û Komelê Demokratîkî û Yewîya Demokratîke înşa bikero. Ganî ma nê ruhî fam bikerê û ci rê bibê cewab.
Mefhumê Komelê Demokratîkî aîdê Rayber Apoyî yo. No mefhum newe yo. Ganî ma sîstemê fikirîyayîşî yê Rayber Apoyî bîyarê ca. Ma eşkenê binê wayîrê înîsîyatîfî. Eke rixmê hendê xîretanê ma zî dewleta tirke şer de israr bikera ma zî do şer de israr bikerê. Rayber Apoyî tim vat ke ‘Yew mîsalo bîn ê îşxalê sey ê Kurdîstanî çin o.’ Metodê çareserîye yê sey ê PKKyî zî çin o.
Dewleta tirke dewletêka winayên a ke apey şora nêbeno, aver şora nêbeno. Erk û mesuldarîyê ma yê pêroyînan o ke verê raştîya Rayber Apoyî de, verê gama ke Rayber Apo wazeno bierzo de bi hişmendî û xoverdayîşî ma bikewê prosesê neweyî. Xo rê û Rayber Apoyî rê bawer bikerê. Ma mîyanê yew şerî de yê. Nêzanîyeno ke do se bibo. Ganî ma refleks, cu û xîretê xo goreyê ney bikerê.’’
