Sereka PE Metsola: Tirkîya wa goreyê huqûqî têbigêra
Sereka Parlamentoyê Ewropa Roberta Metsola: Ez venga selahîyetdaranê tirkan dana ke bi hîsgerî têbigêrê, strandart û huqûqê mîyanneteweyî rê hûrmet bimojnê.
Sereka Parlamentoyê Ewropa Roberta Metsola: Ez venga selahîyetdaranê tirkan dana ke bi hîsgerî têbigêrê, strandart û huqûqê mîyanneteweyî rê hûrmet bimojnê.
Vera hêrişanê îşxalî yê dewleta tirke yê serê Rojawanê Kurdîstanî û Herêmanê Pawitişî yê Medya nêrazîbîyayîşî dewam kenê.
Serekê Parlamentoyê Ewropa (PE) Roberta Metsola roniştişê Strasbourgî de venga selahîyetdaranê tirkan da ke goreyê huqûqê mîyanneteweyî têbigêrê. Metsola roniştiş de hêrişê vera Rojawanî sey binpaykerdişê huqûqê mîyanneteweyî mojnayî û vat: ''Hêrişê vera Rojawanî benê sebebê merg û gonîye. Ez venga selahîyetdaranê tirkan dana ke bi hîsgerî têbigêrê, strandart û huqûqê mîyanneteweyî rê hûrmet bimojnê.
Wekîla katalane Eulàlia Reguant Cura zî hesabê xo yê twitterî de di mektubê ke Sersefîrîya Barselona ci rê şawitê, vila kerdî û vat: ''Tirkîya weçînayîşî rê verî kurdan rê şîdet kena.''
Turquia utilitza el recurs de la violència contra els kurds abans d'unes eleccions: el 2015 després de perdre la majoria de l'AKP i abans de la repetició electoral, el 2017 abans del referèndum presidencial, el 2018 abans de les presidencials, el 2019 abans de les municipals... https://t.co/KEJhirNPni
— Eulàlia Reguant Cura (@aramateix) November 21, 2022
Vervatoxanê Koordînasyonê Koma Dostanîya bi Kurdan a PE Nikolaj Villiumsen zî vat: ''Erdogan hem huqûqê mîyanneteweyî binpay keno, sivîlan kişeno û têkoşînê vera terorî asteng keno hem zî nê çîyan Putinî reyde keno. Yewîya Ewropa vera ney ganî bi qerardarî têbigêra. Hêrişî wa cade vinderê.''
Not only is #Erdogan violating international law, killing civilians and undermining the fight against terror. He is doing it together with #Putin.
— Nikolaj Villumsen (@nvillumsen) November 21, 2022
Now is the time to act firmly for EU.
The attacks must be stopped immediately! #SaveKobane #TurkeyAttacksRojava #dkpol #eudk https://t.co/9G9i0XGxuh