Şehîdê Kurdîstanî Taylan Ozgur Kahraman şaristanê Dusseldorfî yê Almanya de bi merasîmêk ame yadkerdene. Embaz û keyeyê Kahramanî tewrê merasîmî bîyî. 

Nameyê Têgêrayîşê Cinîyan ê Kurdan ser o Îlke Jîyan qisey kerd û vat: ''Ewro pêro Kurdîstan de bi sayê şehîdan têkoşîn dewam keno.''

Dadîya Kahramanî Şengê zî îfade kerd ke sereyê înan pê şehîdanê Kurdîstanî sereberz ê.

Hozan Comertî zî merasîm de qisey kerd û vat ke yadkerdişê şehîdan fîraz o.

Taylan Ozgur Kahraman 21ê kanûna 1998î de vera Komploya Mîyanneteweyîye adir verdabi bedenê xo. Birayê Kahramanî Sînan Kahraman zî Botan de wexto ke gerîlayê ARGKyî bi şehîd bibi.