Hemserekê Pêroyî yê DEM Partî Tuncer Bakirhanî û Serekê Pêroyî yê Partîya  Gelecekî Ahmet Davutogluyî saetêke û nîme pêvînayîş kerd.

Bakirhan pîya bi serekwekîlanê grûbe Gulîstane Kiliç Koçyigit û Sezaî Temelî şîyî Merkezê Pêroyî yê Partîya Gelecekî. Davutogluyî heyetê DEMî  verwazî kerd.

Pêvînayîşo ke çapemenîye rê qefilnaye ame kerdene de derheqê babetanê Tirkîya û herême de fikîr ameyî dayene-girewtene. Pêvînayîş de prosesê demokratîkbîyayîşî, pêvînayîşê bi Rayber Apoyî û qerarê PKKyî ameyî destgirewtene. Xorîkerdişê dîyalogê mabênê partîyan, çarçeweya meclîsî de gamê ke gerek semedê haştîye û çareserîye bêrê eştene, ameyî erjnayene. Ame vatene ke zaf muhîmo ke meclîs de komîsyonêk bêro ronayene û partîyê sîyasîyî aktîf tewrê prosesî bibê.

Yeno pawitene ke DEM Partî hewteyê verê ma de hem pabesteyanê partî,  hem hêzanê îtîfîaqî û hem zî AKP û MHPyî reyde pêvînayîş bikero.