KCDK-E pê eşkerayîyêke pare kerd ke 22 serrî verî pê hemkarîya xeylêk dewletan vera Rayberê Şarê Kurdî Abdullah Ocalanî Komployê Mîyanneweyî ame kerdene la fikrê Ocalanî reyna zî tesîrê xeylêk şaran kerd.

KCDK-E vat: ''Ma do mabênê 1-15ê sibate de bi şîarê 'Ma komplo xo vîr a nêkenê û nêdanê vîrakerdene' çalakîyanê globalan bikerê. Serra 22. ya Komployê 15ê Sibate de ma do seba Rayber Apoyî hêzanê komplogeran çin bikerê.

1ê sibate ra heta 15ê sibate bêmabên çalakîyî do bêrê kerdene, pêro eyalet û welatan de rayraşîyayîşê dergî yê 3 rojan do bêrê kerdene.

1ê sibate de 22 merkezan de Kitabxaneyê Gêrayîye yê Rayber Apoyî pêro Ewropa, Kanada û Avusturalya de bigêro, kitab û broşurê Rayberîye bêrê vilakerdene. No kitabxane do Paris, Amsterdam, Viyana, Roma, Atina, Toronto, Bruksel,Marsilya, Zurih, Stockholm- Kopenhag, Helsinki, Oslo, Berlin, Koln, Dortmund, Frankfurt, Stuttgart, Darmstadt, Hamburg, Kassel, Londra, Sidney û Kibris de bigêro.

NRW, Hamburg, Berlin, Hannover, Kassel, Sachen, Frankfurtê Almanya de şaristananê Fransa de, Swîsre, Swêd, Danîmarka, Norweç, Fînlandîya, Avusturya, Îtalya, Îngilîstan, Belçîka, Hollanda, Yunanîstan û Kibris de çalakîyî do bêrê kerdene.

Rayraşîyayîşo derg ê enternasyonalîst û kurdan 5ê sibate de Frankfurt de dest pêbikero û 12ê sibate de Strasbourg de biqedo.

13ê sibate de Strasbourg de rayraşîyayîşêko derg û nawnayîş bêro kerdene. 15ê sibate de ciwanî her ca de rayîrî ra şorê û rayberîya TJK-E de verê sersefîrîyanê Tirkîya û Amerîka de çalakîyî bêrê kerdene.''