Merkezê Qerargahî yê YJA Starî eşkera kerd ke YJA Starî da pêhesnayene Nerîne Bêrî-Yayla Kilkaya kanûna 2024î de şehîd bîye û nê vatî:

''Hemraya ma Nerîne Bêrî-Yayla Kizilkaya ya ke bi tradîsyonê welatperwerîye û xoverdarîya Amedî bîye pîl û 31 serrî bi felsefeya Rayber Apoyî sey şorişgêreke têkoşîn kerd, kanûna 2024î de hêrişê dewleta tirke ya faşîste yê vera Herêmanê Pawitişî yê Medya şehîd bîye.

Ma hemraya xo ya ke sey têgêrayîşê cinîyan û hêzê artêşa çew nêeşkeno cayê ci debikero, bi hurmet yad kenê keyeyê ci yê erjîyayeyî rê şarê xo yê welatperwerî û cinîyan ê azadîwaştoxan rê serweşîye wazenê. Ma soz danê ma do qesasê ci bigîrê û waştişê şehîdanê xo bi serkewtişî bîyarê ca.

Nasnameyê hemraya ma Nesrîne wina yo:

Hemraya ma Nesrîna ke 1993 de tewrê refanê gerîlayan bena warê Botanî ra heta warê Gabarî semedê artêşbîyayîşê cinîyan keda pîle dana. Na çarçewa de bi artêşbîyayîşê cinîyan gamanê cuyeya gerîlayan erzena û çend şino bena hêzê îdarekerdişê artêşbîyayîşê cinîyan.

Hemraya ma Nesrîne sey Botan, Behdînan, Zaros û Qendîlî xeylê waran de berpirsîyarîye gena xo ser, hemrayanê xo perwerde kena, vera hemê hêrişanê dişmenî sey fermadarêka serkewtîye şerî rê serkêşîye kena. Hemraya ma Nesrîne refanê artêşe de bi fermandarîya manga dest pêkena û heta fermandarîya eyaletî berpirsîyarîye gena û sey fermandarê YJA Starî wezîfeyanê giranan bi serkewtişî ana ca.''