Vengdayîşê Haştîye û Komelê Demokratîkî ser o seba ke nîyetê xo yê beşdarîya prosesî eşkera bikera Rayber Apoyî de komêka gerîlayan do şaristanê Silêmanî yê Başûrê Kurdîstanî de eşkerayîyêke bida û dima çekanê  xo teslîm bikera.

Nameyê Organîzasyonê Amadekarîye yê koma  gerîlayan ser o eşkerayîyêke dîyaye. Eşkerayîye de ame parekerdene ke eşkerayîya koma gerîlayan wextê nêzdîyî de do bêra dayene. Seba rojnamegeran û dezgehanê çapemenîye yê ke Silêmanî de eşkerayîya gerîlayan do teqîb bikerê adresê muracatî zî eşkera bîyo.

Organîzasyonê Amadekarîye pare kerd  ke teber û zereyê welatî ra rojnameger û dezgehê çapemenîye yê ke wazenê eşkerayîye teqîb bikerê wa formê cêrînî debikerê.

Organîzasyon da zanayene ke ê do muracatan biwanê û cewabê pozîtîfî yan zî negatîfî bidê nînan.

Adresê muracatî: