Merkezê Îrtîbatî û Çapemenîye yê HPGyî derheqê hêrişanê artêşa tirke de eşkerayîye daye. 

HPGyî bi wesîleya serrgêra şehadetê înan Şêx Seîd û embazanê ci û Zîlane- Zeynebe Kinaci yad kerdî û vat ê do sey mîlîtananê fedayîyan ê Apoyî heta azadkerdişê Rayberîye û şarê xo do xeta şehîdan de têkoşînê xo bi hewayêkê qerardarî rayra berê.

Eşkerayîya HPGyî de ca dîya nînan: “Nê di hewtayanê peyênan de sere de Rojawayê Zapî û erazîya ke mabênê qezaya Amediyê ya Başûrê Kurdîstanî û bajarekê Dêralokî de ya û vera hêzanê ma yê ke Metîna de yê hêrişê artêşa tirke zêdîyayî. Vera dewa Sêgirê ya ke nizdê qezaya Amediyê de ya û baregehê ma yê Girê Amediyê bi çekanê qedexeyan bi waştişê îmhakerdişî dîyayî bombayan ver. Artêşa tirke nê waran de çekanê qedexeyan şuxulnena. Ma verî zî hîşyar kerdbi. Ma zî 24 û 26ê hezîrane de vera nê hêrişan operasyonê qesasî kerdî.

Ma reyna vanê; hêzê ma goreyê qeraranê PKKyî têgêrena. Rixmo ke têkoşîno çekdar ameyo vindarnayene bitaybetî herêma Amediyê de fermandarîya artêşa tirke çekanê qedexeyan ê kimyewîyan şuxilnena. Ma zî vera nê hêrişan 24-26ê hezîrane de heqê xo qesasgirewtişî şuxilna. Seba ke proses hasas o ziraro ke dîya dewleta tirke û detayanê çalakîyan ma pare nêkenê. La ma nê zî vajê ke; sebebe nê vînkerdişanê artêşa tirke ê bi xo yê. Eke hêrişê înan wina dewam bikerê, ma çalakîyanê hîşyarkerdişî caverdenê û dahîna giran cewab danê. Bi nê hêrişan yeno waştene ke proses bêro xeripnayene.

Hêrişê ke vera hêzanê ma ameyîkerdene wina yê:

Mabênê tarîxanê 21,26 û 27ê hezîrane de Warê Xoverdayîşî yê Girê Amediyê yê herêma Zapî de tunelê ma bi çekanê qedexeyan dîyayî bombayan ver û bi kepçe û sondajan ame waştene ke bêrê rijnayene.

Mabênê tarîxanê 21,26ê hezîrane de Warê Xoverdayîşî yê Bêşîlî û Dergelê yê Amediyê yê herêma Metîna de tunelê ma bi droneyanê  teqaberbarkerdeyan dîyayî bombayan ver û bi kepçe û sondajan ame waştene ke bêrê rijnayene.

Mabênê tarîxanê 20-26ê hezîrane de Warê Xoverdayîşî yê  Bêşîlî, Serê Metîna  yê herêma Metîna, warê Girê Sîser, Girê Reşîd, Dêreşê, Girgaşê, Deşta Kafya, Mijê, Girê Kun, Girê Zengil, Zêvkê, Heftebax, Spîndarê, Sêdarê yê herêma Garê, Warê Xoverdayîşî yê Girê Amediyê, Girê Baharî yê Rojawanê Zapî,Warê Xoverdayîşî yê Berê Zînê  pê çekanê giranan, top û obusan dîyayî bombayan ver.

Derheqê şehadetê Serhat Ceylanî de;

Welatperwero erjîyaye Serhat Ceylan o ke Bazîdê Agirî ra yo sey mîsafîrî ame cayê hêzanê ma. La cayê ma de rîyê şertanê hewayî ra nêweşîyê ci yê verênî newera vejîyayî werte, bi nêweş û rixmê pêro cedhkerdişê tedawî nêame xelisnayene û dinyaya xo bedilnaye.Seba ke wextê falîyetanê welatperwerîye de dinayaya xo bedilnaye ma Serhat Ceylanî sey şehîdê Têgêrayîşê Azadîye yê Kurdîstanî qebul kenê, dejê xo anê ziwan. Ma merdimanê Şehîd Serhat Ceylanî rê û bêro şarê welatperwerî yê Bazîdî rê serweşîye wazenê.”