Merkezê Îrtîbatî û Çapemenîye yê HPGyî derheqê hêrişanê artêşa tirke ya îşxalkere de eşkerayîyêke daye. Eşkerayîye wina ya:

‘’17ê gulane de tunelê Warê Xoverdayîşî yê Şêlazê yê Metîna reyêke bi teqaberanê qedexeyan û 18ê gulane de tunelê Girê Zengilî yê Garê 2 reyî bi teyarayanê şerî dîyayî bombayan ver.

13 û 18ê gulane de artêşa îşxalkere kerd ke tunelê Warê Xoverdayîşî yê Girê Amedîyê yê Herêma Şehîd Delîlî ya Rojawanê Zapî û tunelê Warê Xoverdayîşî yê Şêlazê bi kepçeyan birijna.

14 û 18ê gulane de warê Berê Zînê û Lolanî yê Xakurkê, warê Kanî Sarkê, Girê Kun, Dêreşê, Deşta Kafya, Girê Sîser, Girgaşê, Yekmalê, Girê Zengil, Girê Reşîtî yê Garê; Warê Xoverdayîşî yê Bêşîlî yê Metîna, Warê Xoverdayîşî yê Girê Biharî yê Zapî dîyayî bombayan ver.

15-18ê gulane de Warê Xoverdayîşî yê Girê Amedîyê û Warê Xoverdayîşî yê Şêlazê de bi vengdayîşan artêşa îşxalkere kerd ke hêzanê ma tehrîk bikera.

Cewabê hêzanê ma:

16ê gulane de Warê Xoverdayîşî yê Girê Biharî de hedefê teknîkî ameyî pirodayene, 1 çeka Korkutî, 1 wesayîto zirxîn ameyî derbkerdene.

16ê gulane de Warê Xoverdayîşî yê Sergelê yê Herêma Şehîd Delîlî ya Rojawanê Zapî de 1 mewzî ameye derbkerdene.

18ê gulane de Warê Xoverdayîşî yê Girê Amedîyê yê Herêma Şehîd Delîlî ya Rojawanê Zapî de hedefî ameyî pirodayene.

29ê nîsana 2025î de dormeyê dewa Musê ya Makuyî de eşîra Sakî ra Tahîr Arşun netîceya qezayêkê bêtelehî de şehîd bi. Ma keyeyê ey rê serweşîye wazenê. Keyeyê ey û eşîra Sakî wa bizanê ke yew xusumetê ma bi Tahîr Arşunî çin o. No serebût bi temamî qeza yo. Ma ancî keyeyê Arşunî û Mala Huseyîn Bekîyî rê serweşîye wazenê.’’