Koordînasyonê Komalanê Ciwanan dîyar kerd ke rayraşîyayîşê ver bi Amara, rayraşîyayîşê dîyayîşê raştîya Rayberîye û agêrayîşê cewherê xo yo. Koordînasyonî venga pêro ciwanan da ke tewrê nê rayraşîyayîşî bibê.
Koordînasyonê Komalanê Ciwanan derheqê Rayraşîyayîşê Dergî yê Ver bi Amara eşkerayîyêke daye.
Koordînasyonî vat: ‘’Famkerdişê raştîya Rayber Apoyî famkerdişê raştîya Kurdîstan û kurdan o. Famkerdişê Rayberîye famkerdişê kesayet û komelbîyayîş o. Rayber Apoyî rayraşîyayîşê xo yê azadîye yê 53 serrî de mîyanê şorişî de şorişêk kerd. Ey şorişo tewr pîl mezg û zerrîya xo de kerd.
Ciwanan 1ê nîsane de Amedî ra ver bi Amara rayraşîyayîşêkê bi şîarê ‘Ma Komelê Demokratîkî reyde ver bi azadîye şinê’ dabi destbendkerdene. Rayraşîyayîşê ver bi Amara, rayraşîyayîşê dîyayîşê raştîya Rayberîye û agêrayîşê cewherê xo yo. Ganî nêro vîrakerdene ke cewherê ciwananê Kurdîstanî raştîya Rayber Apoyî ya.Ciwanê Kurdîstanî ganî binê îşkence û qirkerdişî de tepişîyayîşê Rayber Apoyî bikerê sebebê pîlêrkerdişê têkoşînê xo.
Ma venga pêro ciwananê Kurdîstanî û Tirkîya danê ke tewrê nê rayraşîyayîşî bibê û karwanê azadîye pîlêr bikerê. Ma beşdaranê nê rayraşîyayîşî selam kenê. Ma venga pêro ciwananê Kurdîstan û Tirkîya danê ke seba azadîye şorê û seba komelê demokratîkî têkoşîn bikerê.’’
