Hîrê endamanê Koma Awazê Çiya bi wesîleya rojbîyayîşê Rayber Apoyî yê 4ê Nîsane hem deyîrî vatî hem zî hîsê xo ma de pare kerdî.

Xebat: 4ê Nîsane şexsê Rayber Apoyî de pêro kesan rê fîraz bo. Mabênê Rayber Apoyî û şarê kurdî de têkilîyêka xurt û manewîye est a. 4ê Nîsane de na têkilîye xurtêr zî bena.Şarê kurdî rojbîyayîşê Rayber Apoyî sey rojbîyayîşê xo fîraz keno. Vejîyayîşê Rayberîye vera qirkerdişê kulturelî yeno manaya şorişî. Naye ra ganî bi coşê 8ê Adare û Newroze 4ê Nîsane bêro fîrazkerdene.

Hedar: Senî ke Newroze bi coşî yena pêşwazîkerdene ganî 4ê Nîsane de zî wina bêro pêşwazîkerdene. Bi estbîyayîşê Rayber Apoyî ma xo şinasna. 4ê Nîsane rojbîyayîşê merdimatîye yo zî. Bi taybetî ganî cinîyî 4ê Nîsane de vejîyê waran. Çunke Rayber Apo tim mesaj û mesuldarîyanê pîlan dano cinîyan.

Yilmaz: Ma 8ê Adare û Newroze bi coşî fîraz kerdî. Nika zî ma 4ê Nîsane fîraz kenê. Ganî ciwanî bi taybetî wayîrê vengdayîşê Rayber Apoyî vejîyê. Rayber Apo felsefeyêka newî û cuyêka azade yo. Rayber Apoyî vatibi ‘Ma ciwanan reyde dest pêkerd, ma do ciwanan reyde ser bikewê.’