Meclîsê Ciwanan ê DEM Partî bi wesîleya rojbîyayîşê Rayber Apoyî yê 4ê Nîsane ver bi Amara rayraşîyayîşêkî keno. Beşdaranê rayraşîyayîşî ra Endamê Meclîsê Ciwanan ê DEM Partî Alîhan Şîmşekî derheqê babete de ajansê ma rê qisey kerd.

Şîmşekî vat ke sebebê coşê nê rayraşîyayîşî Vengdayîşê ‘Haştîye û Komelê Demokratîkî’ yê Rayber Apoyî yo. Şîmşekî vat: ‘’No vengdayîş gama komelkîbîyayîşî ya. Armancê nê rayraşîyayîşî de vilakerdişê paradîgma û caardişê azadîya Birêz Abdullah Ocalanî yo.

Rayraşîyayîşê ma bi coşî dewam keno. Şar bi dahol û zurna û waştişê azadîye ma pêşwazî keno. Ma hê şinê Amara ke vejîyayîşê Rayberîye û paradîgmaya ci tede aferîyayê. Ma warê xoverdayîşî ra dest pêkerd û ver bi vejîyayîşî şinê.’’

Alîhan Şîmşekî seba beşdarîya Rayraşîyayîşê Amara veng da û vat: ‘’Ma adirê Newroze Amara de geş bikerê. Waştişê azadîya Abdullah Ocalanî ma pîya bîyarê ziwanî.’’