Rayraşîyayîşê Amara ke bi wesîleya rojbîyayîşê 76inî yê Rayber Apoyî serkêşîya Meclîsê Ciwanan ê DEM Partî ra Amedî ra ver bi Amara yeno kerdene qezaya Pirsûsî ya Riha de dewam keno.

Rayraşîyayîşo ke  bi şîarê ‘Ma Komelê Demokratîkî Reyde Ver bi Azadîye Şinê’ badê Sewreg û Gurnê Reşî, Pirsûsî de dewam keno.

Pîya bi şarê Pirsûsî wekîlê DEM Partî Zeki İrmez, Onur Duşunmez, Bêritane Guneş, Dilane Kunt Ayan û Ferit Şenyaşar, Meclîsê Dayîkanê Haştîye û îdarekarê DEM Partî ê Riha û qezayanê ci tewrê rayraşîyayîşî bîyî.

Pirsûso ke qezayanê sembolan ê xoverdayîşê Kobanê ra yew o, çalakwananê Amara tîya ra xoverdayîşê Kobanê selam kerd. Ciwanî dekewtişê dewa Aligorî ra heta dekewtişê Pirsûsî bi slogananê"Bijî Serok Apo" û "Bijî berxwedana Rojava"  qîrayî.