Yasîn Dere (46) bado ke 31 serrî zîndan de rehîn ame tepiştene Zîndanê Qefilnayeyî yê Wanî ra ame tehlîyekerdene.

Yasîn Dere 1994 de qezaya Gewerî ya Colemêrgî de ame tepiştene û hetê Mehkemeya Asayîşî ya Dewlete (DGM) ra bi îdîaya ''xeripnayîşê yewîya welatî'' cezaya muabetî dîyaye ci.Yasîn Dereyo ke 15 serre  kewt zîndan 46 serre ame tehlîyekerdene.

Merdimê Dereyî û temsîlkarê Komeleya Paştîyîşê Merdimanê Tepişteyan û Hukmwerdeyan  (TUHAY-DER) û Komeleya Paştdayîşê Keyeyanê ke Merdimê Xo  Vînî Kerdî (MEBYA-DER) şîyî vera Dereyî.

Yasîn Dere seba ke tewrê grevê vêşanîye yo ke vera tecrîdê serê Rayber Apoyî amebi kerdene, bibi tehlîyeya ci hetê Heyetê Îdare û Çimdarîye ra 6 mengî amebî peydeeştene.

Dereyo ke 8 zîndanan de mend 31 serrî kerdî temam û ame tehlîyekerdene.