25ê çeleyê 2021î de verê Ofîsê Cenevre yê Neteweyanê Yewbîyayeyan (NY) de seba azadîya Rayber Apoyî çalakîya roniştişî dîyabî destpêkerdene. Çalakîye 4 serrî xo pey de verdayî. Bi wesîleya serrgêra çarine ya çalakîya Cenevre rayraşîyayîşêk ame kerdene. 

Çalakîya ke no hewte serkêşîya PYDyî de ameye kerdene tede seba şehîdan deqayêk rêz ame girewtene. Dima bi slogananê sey ''Bijî Berxwedana Rojava”, “Bijî Serok Apo”, “Bijî Berxwedana Gelê Kurd” rayraşîyayîş ame kerdene. 

Hemserekê CDK-Syî Cemal Ozdemîrî tîya de qisey kerd û ard ziwan ke çalakîya Cenevre heta azadîya Rayber Apoyî do dewam bikera. Ozdemîrî xoverdayîşê Tişrînî zî selam kerd. 

Bi nameyê çalakîkeranê Cenevre Amîya Martin eşkerayîye wende û îfade kerd ke ê do tim paştî bidê têkoşînê kurdan. Amîye vist vîrî ke DEM Partî Îmrali de Rayber Apoyî reyde pêvînayîşî kerdî û pare kerd ke ganî komelo mîyanneteweyî û hêzê mîyanneteweyîyî seba qedînayîşê qirkerdişê sivîlan û qirkerdişê şarê Rojawanî debikewê dewre.

Qiseykerdişanê bînan ra dima girse derbazê xeyma nobete bi û heta saetanê şanî çalakîye rê dewam kerd.