Hanîfe Aslana 82 serrî rixmê nêweşîyanê xo zî hîrê serran zîndan de tepişte bîye û hewteyê vîyarteyî de vera dîyabî. A 2022 de tepişîyabî û cezaya zîndanî ya 6 serran û 3 mengan dîyabî ci. 

Dayîke Hanîfe ajansê ma rê qisey kerd.

Aye vat: ''Seba ke mi vat wa haştîye bêra, dadîyî mebermê cezaya zîndanî dîyaye mi. Rixmo ke ez bêsûc bîya bi serran zîndan de menda. Mi rojê zehmetî dîyî. Sûcê mi çin bi û ez dadîya haştîye bîya. Mi waşt ke wa dadîyî mebermê. Cayê dadîyan zîndan nîyo. Ez 3 serrî Zîndanê Wanî de menda. Mi vera nêweşîya şekerî û KOAHî têkoşîn kerd. Wa çew nêkewo zîndanî.''

Hanîfe Aslan dîyar kerd ke zîndan de a bi nêweşîyanê neweyan kewta, rojanê zehmetan ra derbaz bîya. Dayîke Hanîfe vat: ''Wa pêro merdimê nêweşî azad bibê. Zîndan cehenemê na dinya ya. Zîndanan de xeylê tepişteyê nêweşî est ê û mexdûr benê. Wa pêro tepişteyê nêweşî vera bidîyê.''