Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.

Eşkerayîye de nê zanayîşî ameyî parekerdene:

''1ê tebaxe de qezaya Çelê ya Colemêrgî de vera Qereqolê Girê di hetan ra çalakîya koordînakerdîye ameye kerdene. Çalakîya ke semedê selamkerdişê  Hemleya 15ê Tebexa ameye kerdene de 3 îşxalkerî ameyî cezakerdene, yew çeka A-4 û yew mewzî ameyî îmhakerdene û mewzîyêke zî ameye derbkerdene.

13ê tebaxe de Xeta Qaşûra ya herême Metîna de têgêrayîşê helîkopteran qewimîya. Helîkopteranê ke waşt dormeyê dewa Derarê bobmarduman bikerî bado ke hêzanê ma mudaxaleyê ci kerd derbî werdî û peyser agêrayî.

12ê tebaxe warê Çîyayê Reşî, Şkefta Birndarî, Şehîd Rustem û Cîloya Biçûkî yê herêma Zapî pê çekanê giranan ameyî bombardumankerdene. 13ê tebaxe Werxelê yê Avaşînî de tunelê şerî pê çekanê giranan, gazanê axûyînan ameyî bombardumankerdene. Herême ser o têgêrayîşê Droneyan dewam keno. Eynî roje dewê Êdînê, Dêşîşê û Seraru yê qezaya Kanî Masî ya Amedîye pê helîkoperanê hêrişî ameyî bombardumankerdene. Dormeyê dewanê Hirorê û Kêste zî pê hawan û obusan ameyî bombardumankerdene. Reyna dormeyê dewa Sergelê ya Amedîye û dewa Dînartê ya qezaya Akrê  zî pê teyarayanê şerî ame bombardumankerdene. Netîceya hêrişî de erazî de şewat vejîya û hema dewam keno.

Nê hêrişê ke ameyî kerdene ke vînîbîyayeyê ma çîn ê.''