Tepişteyê dewaya PKK-PAJKî 27ê teşrîna peyêne ra nata vera tecrîdê serê Rayberê Şarê Kurdî Abdullah Ocalanî grevê vêşanîye de yê. 

Gerîlaya YJA-Starî Zinarîne Gabar ANFyî rê qisey kerd û grevê vêşanîye selam kerd.

Gerîla Zinarîne Gabar vat: ''Çalakîya zîndanan ma rê mîrasêk o ke ewro no tradîsyon dewam keno. Sey milîtananê Rayber Apoyî sey milîyananê nê şorişî çalakîyê grevê vêşanîye seba ma zaf girîng ê. Eke ma girîngîya na çalakîye fam nêkerê ma do nêeşkê netîceyêka xurte bivisnê destî. Çalakîya grevê vêşanîye seba ma zaf fîraz a. Ma do bi çalakîyanê xo cewab danê hêrişanê dişmenî. 

Grevê vêşanîye yê embazanê ma zî hêzêko pîl da ma. Ganî pêro şarê ma û kesê wayîrwijdanî paştî bidê grevê vêşanîye. Ma pê bawer ê ke grevê embazanê ma do ser bikewo. Êyê ke koyan de şer kenê mîrasê xoverdayîşî yê Hayrî, Kemal, Alî û Akîfî ra hêz gênê ke zîndanan vera îşkenceyanê dişmenî xo ver dabi. Ma do heta peynî vera dişmenî têkoşînî rê dewam bikerê.''