Merkezê Îrtîbatî û Çapemenîye yê HPGyî derheqê çalakîyanê gerîlayan de na eşkerayîye daye:

''Çarçewa Hemleya Şorişgêre ya Cengê Xabûrî de herêma Metîna de;

14ê tebaxe de hêzanê ma warê Girê Koordîne yê Metîna de vera îşxalkeran çalakîya koordîne kerde. Baskê yewinî yê çalakîye mewzîyo ke tede 3 îşxalkerî estbîyî hedef kerd. Netîce de 2 îşxalkerî ameyî cezakerdene û 1 îşxalker zî birîndar bi. Baskê diyînî yê çalakîye zî dest na kamerayêka mobese ser û dima îmha kerde.

14ê tebaxe de warê Girê Katoyî yê Metîna de vera îşxalkeran pê çekanê giranan çalakîyêke ameye kerdene. Çalakîye de hedefî bi hawayêkê serkewteyî ameyî pirodayene.

Nê wird çalakîyê serkewteyî semedê welatperwerê Başûrê Kurdîstanî Îbrahîm Hesenî ame kerdene ke dewa Dêşîşê de hetê dewleta tirke ra ame şehîdkerdene.

14ê tebaxe de warê Qaşûra de têgêrayîşê helîkopteran qewimîya, dewa Derarê ya bajarekê Kanîmasî ya Amedîyê zî dîyaye bombayan ver.

Çarçewa Hemleya Şorişgêre ya Bazanê Zagrosî de herêma Avaşînî de;

14ê tebaxe de serê sibayî warê Girê Sorî de îşxalkerê ke waştêne mewzîyanê şerî bidê bombayan ver ameyî pirodayene. Heman roje vera tunelanê şerî yê Werxelê gazê kîmyewî şuxilîyayî û tunelî dîyayî bombayan ver. 15ê tebaxe de zî tunelê Werxelê dîyayî bombayan û gazê kîmyewî ver.

Çarçewa Hemleya Şorişgêre ya Bazanê Zagrosî de herêma Geverî de;

6ê tebaxe de 2 wesayîtê îşxalkeranê ke Şemzînanî ra ver bi qereqolê Gemanî şîyêne gêrîyayî binê kontrolî. Wesayîtê kîrpî pê taktîkê sabotajî ame hedefkerdene. Na çalakîya serkewte de 8 îşxalkerî ameyî cezakerdene. Na çalakîye seba selamkerdişê Hemleya 15ê Tebaxe ameye kerdene.

Artêşa tirke ya îşxalkere 9ê tebaxe de mintiqayanê Girê Gêsinî û Girê Tenûrê yê warê Mêrgumanî yê herêma Besta de operasyonêk da destpêkerdene. No operasyon hema zî dewam keno.

15ê tebaxe de warê Çemçoyî yê Zapî pê obusanê qereqolanê sînorî dîya bombayan ver.''