Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîyêka nuştîye dayê û nê pare kerdî:
''Hêzêna ma çarçewa Hemleya 'Tecrîd, Faşîzm, Îşxalî rê Bes o, Wext Wextê Azadîye yo' ya KCKyî de çalakîyê bitesîrî viraştî. Detayê nê çalakîyan wina yê:
Heftanîn de panc leşkerî ameyî kiştene xeylêk zî birîndar bîyî
15ê êlule de hêzanê ma saetanê nîmê roje de Qilê Şehîde Şîlane yê warê Kartalî de vera îşxalkeran çalakîyêke viraşte. Çalakîya ke mewzîyêke pîya bi leşkeranê ke tede bî ameyî îmhakerdene de hûmara merde û birîndaranê dişmenî zelal nêbîye. Badê çalakîye herême ameye bombardumanankerdene. Artêşa tirke wesayîtê sîvîlan hedef girewtî. Netîceya hêrişî de wesayîtan de ziraro madî ame meydan û dormeyê dewa Keşanî de şewat vejîya.
17ê êlule de Qilê Kato Sulê yê warê Bektorya mewzîyêke dişmenî hetê hêzanê ma ra ame hedefgirewtene. Na çalakîye de mewzî ameye îmhakerdene û 5 leşkerî ameyî cezakerdene û 3 hebî zî birîndar bîyî.
Atêşa dewleta tirk a îşxalkere Qilê Şehîd Zinara, Qilê Kartal û Qirrika Şehîd Geverî yê Heftanînî de dest pê operasyonê îşxalî kerd, operasyon dewam keno.
Çelê de hîrê îşxalkerî ameyî kiştene
17ê êlule de qezaya Çelê ya Colemêrgî de şefeqê sibayî de îşxalkerê ke Qilê Şehîd Bîlalî de ameyî cakerdene hetê hêzanê ma ra ameyî pirodayene. Na çalakîye de mewzîyêke pîya leşkeranê ke tede bî û di kamarayê mobesê ameyî îmhakerdene. Badê çalakîye herême ameye bombardumankerdene û operasyon dîya destpêkerdene. Hêzanê ma yewîyê operasyonî girewtî binê kontrolî û vera leşkeranê ke kamerayê mobesê herême de cakerdêne çalakîya sabotjî viraşte. Çalakîye de 3 îşxlakerî ameyî cezakerdene.
Bêşebab de pancê înan payeberzî xeylêk leşkerî ameyî kiştene
11ê êlule de artêşa tirke qezaya Bêşababî ya Şirnexî de operasyon da destpêkerdene. Îşxalkeran verî warê Kato Jîrka bombarduman kerd dima ra bi helîkopteranê skorskyan leşkerî kiriştî herême. Hêzanê ma eynî roje vera koordneyê operasyonî çalakîyêke viraşte.Çalakîya bitesîre de 5ê înan payeberzî xeylêk leşkerî ameyî kiştene. Madyaya tirk a ke bi talîmatê hukmatî têgêrena xeberê zûrî dayî ûvat 3 leşkerî merdî 1 birîndar o. Dewleta tirk a ke derbê giranî werdî 13ê êlule de herême ra qismêk pêser ancîyaye.
Şax di gerîlayî şehîd bîyî
Artêşa tirke 5ê êlule de warê Masîro yê xezaya Şaxî ya Wanî de bi helîkopteran leşkerî ca kerdî operasyon da destpêkerdene. Mabênê hêzanê ma îşxalkeran de pêkewtişê giranî qewimîyayî. Hemrayê ma Mazlûm û Egîd ê ke bi hawayêkê qehremankî vera dişmenî şer kerd tewrê kerwanê şehîdan bîyî. Zanayîşê nasanmeyanê embazanê ma do peyra bêrê parekerdene.
Omeryan de falîyetê kontra yenê rayraberdene
Artêşa tirk a îşxalkere warê Omeryanî yê Mêrdînî de bi kincanê hêzanê ma falîyetanê kontrayan kena. Zafê nê kontrayan cinî yê. Şarê ma ganî vera nê grûbanê kongrayanê ke kayanê leymiman yê şerî kay kenê, hîşyar bo.
Hêrişê hewayî
Herêmê Pawitişî yê Medya hetê artêşa tirke ra ameyî bombardumankerdene.17, 18 û 19ê êlule de Heftanîn de warê Bektorya bi obus û havanan ame bombardumankerdene. Reyna 18ê êlule de qezaya Çelê ya Colemêrgî de dewa Kinyanişî hetê helîkopteran ra ame bombardumankerdene û bi skorskyan Qilê Şehîd Bîlalî de leşkerî ameyî warardene.''