Vera qetilkerdişê rojnamegeran Nazim Daştan û Cîhane Bîlgîn çalakîyê protestoyî dewam kenê.

Çewlîg de DEM Partî eşkerayîyêke daye. Eşkerayîye de pankarta ''Çapemenîya Azade nêna bêvengkerdene'' ameye akerdene. Hemserekê DEM Partî yê Çewlîgî Hasan Soysalî eşkerayîye wende û vat: ''Qetilkerdişê rojnamegeran hêrs û tersê xebatanê vera rojnamegeran ê. Ganî her kes vera ney vengê xo berz bikero.''

Riha de DBP, DEM Partî û TJA qezaya Wêranşarî ya Riha de çalakîya protestoyî kerdî. Verê bînaya DEM Partî de eşkerayîye zî dîyaye. Eşkerayîye de Hemserekê DEM Partî yê Wêranşarî Ramazan Dîrîlî îfade kerd ke qirkerdişê Daştan û Bîlgîne dişmenîya vera kurdan eşkera kenê. Eşkerayîye bi çepikan û sloganê ''Şehîd Namirin'' qedîyaye.

Wan de serkêşîya DBP, DEM Partî û TJA de çalakîyêke ameye kerdene. Temsîlkarê rêxistinanê komelê sivîlî tewrê çalakîye bîyî. La polîsan rayraşîyayîşê girseyî asteng kerd. Naye ser o hirseyî çalakîya roniştişî kerde û sloganê sey ''Bijî berxwedana Rojava”, “Bijî berxwedana gelê Kurd”, “Rojava neket dê nekeve”, “Rojava rûmeta me ye” û “Çapemeniya Azad nayê bêdengkirin” vatî.