Xebera 'Rojnamegerî Nazim Daştan û Cîhane Bîlgîn Sûrîye de kişîyayî' ya T24î û parekerdişê rojnamegere Seyhane Avşar bîyî sebebê tehqîqatî. Tehqîqat hetê Serdozgerîya Komare ya Îstanbulî ra bi îdîaya 'progandaya rêxistine û vilakerdişê agahîyanê şaşan' ame akerdene.

Seyhane Avşar parekerdişê xo yê medyaya dîjîtale de vatbi: ''Seba ke heqanê merdiman bipawê gelo merdim ganî ma de heman fikrî pare bikero, rojnamegerîye bikero? Ma goreyê çitayî benê terorîstî? Wexto ke rojnamegerî yenê qetilkerdene ganî ma qebul bikerê? Vizêr di rojnamegerî bi SÎHAyan ameyî qetilkerdene. Wexto ke ê ameyî qetilkerdene ma bêveng mendî. Her ke ma bêveng mendê qij bîyê.''