Partîya Demokratîke ya Şaran (HDP) çarçewa Kampanyaya ''Ma HDP yê, her ca de yê'' de xebatanê xo domnena.

Çarçawe kampanya de 13 tebaxe de do Çewlîg de têhetameyîşê şarî bêro kerdene. Hemsereka Pêroyî ya HDPyî Pervîne Buldan, Wekîlê Amedî Hîşyar Ozsoy, Wekîlê Dêrsimî Alîcan Onlu, Wekîlê Çewlîgî Erdal Aydemîr û endamê Meclîsê Partîyî do tewrê têhetameyî bibê.

Heyetê HDPyî do meydanê teyarayan ê Çewlîgî de saete 15:00 de bêro verwazîkerdene. Têhetameyîşê HDPyî do 13ê tebaxe de mabênê saete 18:00- 20:00 de Kuçeyê Gençî de verê banê partî de bêro kerdene.

Hunermend Azad Bedran û Koma Dîcle Firat zî do tewrê mîtîngî bibê. Rêxistena HDPyî ya Çewlîgî semedê tewrbîyayîşî veng da şarî.