Komeleya Heqanê Merdiman (ÎHD) a Colemêrgî şîye Şemzînan û semedê hewnakerdişê şewatî bi hawayêkê lezabezî veng da.

ÎHDyî pare kerd şewat bi lezî vila beno, roniştoxê herême binê tehlukeyî de yê û ganî vera şewatî tedbirê qîmî bêrê girewtene.

Şewatê Şemzînanî dewekanê Begîrdî û Gerketî yê dewa Nehrî de 1ê êlule de dest pêkerd. Dewleta tirke semedê hewnakerdişê şewatî çîyêk nêkena. Dewijî pê îmkananê xo şewat hewna kenê.

Şewato ke 30ê tebaxe de herêma Awa Weqfe ya Bedlîsî de dest pêkerde bi giranî gêrîyaye binê kontrolî. Nêrazîbîyayîşê şarî ra dima hewnakerdişê şewatî hewayî ra dest pêkerd.

Şewatê dewa Hurmuzî ya qezaya Motkî ya Bedlîsî de zî tewr tay 20 hektar warê daristanan vêşa. Koyê Bozî de zî şewat vila beno.