Merkezê Îrtîbatî û Çapemenîye yê HPGyî derheqê çalakîyanê gerîlayan ê hêrişê artêşa tirke de eşkerayîye daye.

Eşkerayîya HPGyî de nê ameyî parekerdene:

''27ê tebaxe de warê Werxelê û 30ê tebaxe de warê Tabûrê Ereban ê herêma Avaşînî de îşxalkerî hetê hêzanê ma ra pê çekanê giranan ameyî pirodayene. Wird çalakîyan de zî hedefî biîsabet ameyî pirodayene.

Warê Xoverdayîşî yê Warê Werxelê yê Herêma Avaşînî de;

30ê tebaxe de saetanê serê sibayî ra heta şanî Warê Xoverdayîşî yê Werxelê 2 rey pê madeyanê teqayîşî û 7 rey zî pê ganazanê axuyînan ame bombardumankerdene. Reyna 31ê menge de zî Warê Xoverdayîşî pê gazanê axuyînan ame bombardumankerdene. Serê waranê xoverdayîşî de têgrayîşê drone û teyarayanê keşîfî dewam keno.

30 û 31ê tebaxe de warê Çemçoyî yê herêma Zapî hetê qerarolanê sînorî ra pê obusan ame bombardumankerdene.

Reyna 30ê tebaxe de dewê Êdinê, Bênavê, Kêste, Hirorê yê Kanî Masî yê Amedîyê û  warê Girê Şehîd Çîya û Kela Qûmrîyê  hetê qerarolanê sînorî ra pê obusan ame bombardumankerdene. Şewato ke badê hêrişê dewalte tirke vejîya dewam keno.''