Merkezê Îrîtbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.

Eşkerayîya HPGyî wina ya:

''Çarçewa Hemleya Şorişgêre ya  Bazanê Zagorî de herêma Zapî de;

26ê tebaxe de warê Girê Şehîd Serxwebûnî de îşxalkerî hêtê hêzanê ma ra pê çekanê giranan ameyî hedefgirewtene. Çalakîye de hedefê ke ameyî bewlîkerdene biîsabet ameyî pirodayene. Eynî roje warê Çîyayê Reşî de di droneyî hetê hêzanê ma ra ameyî hedefgirewtene. Çalakîye de yew dron ame îmhakerdene o bîn zî mecbur mend peyser agêro.

Warê xoverdayîşî yê Girê Sorî û Werxelê yê Avaşînî;

Waranê Xoverdayîşî yê Werxelê û Girê Sorî de artêşa tirke ya ke nêeşkena vera xoverdayîşê tarîxî yê hêzanê ma aver şiro, pê şuxulnayîşê gazanê kîmyewîyan kena ke xoverdayîşî bişikno. Saetanê veraşanî yê 25 û 26ê tebaxe û saetanê şefeqî yê 27ê tebaxe de Warê Xoverdayîşî yê Werxelê pê gazanê kîmyewîyan û madeyanê teqayîşî ame bombardumankerdene. Rixmê heme hêrişê îşxalkeran ê ke sûcê şerî kenê, xoverdayîşê hêzanê ma dewam keno. Serê Waranê Xoverdayîşî de gêrayîşê droneyan dewam keno.

26ê tebaxe de warêê Kerker û Kûnîşka yê Zapî û Şehîdgehê Şehîd Şerîfî yê warê Kendekolê yê herêma Xinerê pê teyarayanê şerî ameyî bombaardumankerdene.''

.