Şaîr Îlhan Sami Çomak badê 30 serran Zîndanê Tîpê Lyî yê Silivri ra ame tehlîykerdene.

Çomako ke 30 serrî zîndananê cîya cîyayan de mend nê demî de îmza eşt xeylê eseran.Çomako ke 22 serre kewt zîndan û 52 serre zîndan ra vejîya, keyeyê ci, endamê Komeleya Paştîdayîşê Keyeyanê Tepişteyan û îdarekarê DEM Partî yê Umraniye şîyî vera ci.

Çomakî verê zîndanî de qiseykerdişo kilm kerd. Çomakî vat: 'Werîkna ez hewayêkê tîjin de biameyêne tehlîyekerdene ke mi çimê beriqnayeyî yê heskerdoxanê xo bivînayêne. Ez tarîtîya ke ameye berardene ra vejîya tarîtîya raşte. Zerrîya mi şiktî ya, mi xeylêk embazê xo caverdayî.''

Keyeyê Çomakî do Komeleya Wartojijan de ya ke Umraniye de ya 2 rojî merasîmê xeyameyîşî bikero û dima ra verê xo bido Îzmîrî.

Îlhan Çomak serra 1973 de Kanîreşê Çewlîgî de ame dinya. 1994  de Çomak wexto ke 21 serre bi û Fakulteya Edabîyatî ya Unîversîteya Îstanbulî de Beşê Cografya wendêne ame destbendkerdene. Îlhan Çomak 16 rojî binê îşkenceyî de nezaret de mend û mehkeme de hetê dozgerê leşkerî ra bi îdîaya ''bi nameyê PKKyî daristanvêşnayîşî'' ame tepiştene.  Çomak serra 2000î de îdamî rê ame mehkumkerdene û semedê halê ci yê holî ya cezaya ci açaryaye muebetê giranî. Mehkemeya Heqanê Merdiman a Ewropa 2007 de qerar da ke Çomak edîl nêameyo muhakemekerdene û 2013 de dewaya ci newe ra ameye dîyene la netîceya ci nêbedilyaye.