Awbendê Pembelîkî yo ke Dola Perî de bêhuqûqî ameyo viraştenê de  keşîf ame kerdene. Ame vatene ke rîyê nê awbendî ra tekîlîya dewijanê Çewlîg, Dêrsim û Xarpêtî ê ke xisimê yewbînanê birîyaya.

Bi qerarê mehkema Awbendê Pembelîkî yê Dola Perî de keşîf ame viraştene.   Platformê Pawitişê Awa Perî, huqûqnasî û xeylî kesî tewrê keşîfî bîyî. Nameyê Platformî ra Eren Akyolî ke PÎRHA rê qisey kerd nê vatî: ‘‘ Bi zêdbîyayîşê awa Awbendê Pempelîkî tekîlîya dewijanê Çewlîg, Dêrsim û Xarpêtî ê ke xisimê yewbînanê birîyaya. Goreyê raporê ÇED’î ganî pird biameyêne viraştene la bi sebebo ke şarê herêmî no awbend nêwazeno û vera ci vejîyeno  Şîrketê Lîmakî’î  rapor bedilna, pird nêviraşt  û bi nayî caza danê şarî. Lîmako ke bi paştdayîşê dewlet û hemkaran têgêrano qet heq huqûq nas nêkeno û no awbend zî xora bêhûqûq viraşt.‘‘

Akyolî bale ante xoverdayîşê şarê Awa Perî ser û wina dewam kerd: ‘‘Şarê ma yo ke semedê wayîrvejîyayîşê herr, kultur û awa xo tê gêreno û vera serdastan milê xo çewt nêkeno ame cazekerdene. Derheqê şarî de cipersayîşî abîyî, cezaya pereyî dîyayî, ameyî destbendkerdene û bi qerarê mehkema dekewtişê dewa ci înan rê  ame qedexekerdene. La şarê ma rixmê heme zextê înan vera dewlete û Lîmakî peyser game nêeşte. Bi nê projejî wazenê ke herême de qirkerdişo  kulturkî û ekolojîk bikerê. Dola Perî binê awe de bifatisnê, çîn bikerê. Dewa nika MHME de ya. Nika sey tîyatro kaykerdişî ameyî keşîf kenê, mesela tena viaştişê pird nîya. Ma awbend nêwazenê.‘‘