Şarê Mexmûrî seba ke paştî bido hemleya 'Wext wextê azadîye yo' ya KCKyî û îşxalanê dewleta tirke yê vera şarê kurdî û xozaya Kurdîstanî  şermezar bikerê verê Dezgehê Keyeyanê Şehîdan de kom bi û çalakîya rayraşîyayîşî kerde.

Çalakîye de pankartê bi nuşteyê 'Wext wextê azadîye yo', 'Ma do bi ruhê cinîya azade Rayber Apo azad bikerê' û alayê PKK, KCK û posterê Rayberê Şarê Kurdî Abdullah Ocalanî ameyî akerdene. Rayraşîyayîşî heta Parka Şehîde Zehra dewam kerd.

Parke de nameyê Meclîsê Şarî ser o Hemserek Hecî Kaçanî eşkerayîye daye. Kaçanî selam kerd hemleya KCKyî û îfade kerd ke şarê Kampa Şehîd Rûstem Cûdîyî wayîrê hemleya KCKyî vejîyeno û tewrê ci beno. Kaçanî vist vîrî ke ê do qet vera îşxalkeran sereyê xo nêarê war û koletîye qebul bikerê.