Şaredarîya Wanî seba AKP bîya cayê rantî
Şaredarîya Wanî ya HDPyî ya ke hetê îqtîdarî ra ameye xespkerdene, seba AKP bîye cayê rantî. Eşkera bi ke peyê serebûtanê bêusulan ê şaredarîye de Hetkarê Serekê AKPyî yê Wanî Emre Guray esto.
Weçînayîşê 31ê adara 2019î de HDP Şaredarîya Wanî viste destê xo û şarî rê xizmetê pîl kerdî.
Şaredarîya Wanî 4 mengan ra dima 19ê tebaxa 2019î de hetê AKPyî ra ameye xespkerdene. Qeyûmî bi seyan xebatkarî karî ra vetî, xizmetê seba şarî vindarnayî, şaredarîye hetê polîsan ra gêrîyaye binê ablûqa û vurîya qereqolêk.
Bi tayînkerdişê qeyûm bînaya xizmetê şaredarîye pêşkêşê polîsan û AKPyîjab ameye kerdene. 350 xebatkarî hetê qeyûmî ra karî ra ameyî vetene û rixmê bira mehkeme zî herinda înan de terefgîrê AKPyî kar de ameyî cakerdene. Nê kesî zafêr merdimê îdarekar û parlamenteranê AKPyî yê.
Şaredarîya Wanî ya ke bêhuqûq û bêedaletî resayî asta tewr berze seba AKP bîye warê rantî. Rixmo ke birî Şaredarîye de yenê girewtene girewtiş û vetişê karkeran hetê rêxistina AKPyî ra yenê girewtene. Eşkera bi ke Şaredarîya Wanî hetê îdarekarê AKPyî yê Wanî Emre Gurayî ra yena îdarekerdene. Birî bi fermanê Gurayî yenê caardene. Bi seyan karkerê ke pabeyê bira mehkeme yê, hetê Gurayî ra yenê astengkerdene ke abigêrê karê xo ser.
