Ganî kurdî şehîdanê Heftanînî yad bikerê. Nê çêran tarîx vurna. Eke ewro Başûr de cuye esta sayê înan de esta. Nika zî b hezaran şerwanê azadîye rayîrê şehîdan ra şinê. Heftanîn de her roje tarîx, nasname, estbîyayîş, cuye û azadîya Kurdîstanî pawîyenê.

Tarîya şewe de şer dewam keno. Her ca ra vengê topan yeno. Gerîlayî bi hawayêkê qerardarî mewzîyan de cayê xo gênê. Bawerîya çimanê gerîlayan nêverdana ke îşxalkerî bêrê erdê înan ê fîrazî ser. Bombardumanê bi saetan ra dima îşxalkerî wazenê tayerayan ra bêrê war.Înan vatêne qey herême de çew çin o.

O çax her ca ra guleyî erzîyayî. Helîkopterî bi lezî weriştî wê û xîret kerd ke biremê. La hînî erey bi. Guleyêk gina perrê helîkopterî. Pîlot nêeşkeno helîkopter kontrol bikero. Helîkopterê bînî zî derban wenê. Xoverdayoxî warê Xantûrî îşxalkeran ra kerd cehenem. A şewe ra dima zeylêk îşxalkeran îstîfa kerd.

Heftanîn de sloganê 'Tîya Heftanînî' ziwanê her kesî de yo. Embazî hêrişanê dişmenî pûç kenê. Ciwan zî embazanê xo reyde bi doçkaya xo Heftanîn paweno.

Çew nêeşkeno nê xoverdayîşî sey qij bihesibno. Heftanîn de çeke ra fek vera nêdîyeno. Gerîlayî seba Başûrê Kurdîstanî xo ver danê la tay hemkarî verê xoverdayîşî gênê. Ganî hînî her kes na raştî bivîno.