No hêzo ke înan dano şerkerdene çîyo? Qudretê nê hêzî çîyo? Sebebê nê hêzî çîyo ke nê wina biîrade û eşqî ver bi azadîye vazdanê û bi hêrsî şinê dişmenî ser? Mergo ke  merdîmî tira visîyenê, ê senî wina bêters şinî ser? Çalakîyê mirênayîşê mergî ya zî cigêrayîşê cuya azede yê nê şîyayîşî? Gerîlayê ke kewtî rayîr hînî çew/e nêeşkeno înan vindarnê. Kewtî yew rayîr ke zanê ke agêrayîşê ci çîn o. Zanê ke zehmetîye ci zaf bi zî no rayîr nimcet nêno veradayene û qet yew hêz nêeşkeno ke înan peyser açarno.

No rayîr şino Îmrali, şino welato azado ke bi serran o hesretê virarşîyayîşê ci kenê. Şino kesayetîya azade ke xeyalê ci kenê. Û gerîlayî kewenê rayîr. Destê înan  de çeke, maneyê înan de rext, milê înan de tewre, lingê înan de mekap, rîyê înan de  beşerîyayîş ziwanê înan de emanetê asmênî , şîarê ''Wa Biciwîyo Rayber Apo'' , kişta înan hemrayê/a înan, verê înan de rayîrêko zehmet.

Gerîlayê ke Heftanîn de şer kenê, beşerîyayîşê rîyê înan qet nêqedîyeno. Her  rey wina kewnê rayîr.  Pey de nê vatişê Armanc Keboranî manenê: ''Luleyê çeke de 40 mîlyon guleyê şima semedê ma bipawê zî, şima hînî nêeşkenê ma vindarnê!''

Leşkerê ke koyanê Kurdîstanî de gerenê mela heme telîyî şirê linagnê înan ro. Vaşo hewzo ke destanê gerîlayan vîlneno, do çermeyê dişmenî sey kardî bibirno ke destê xo medê bedenê gerîlayanê ke ginayî  herre ser o. Wa raştê xezebê şîlî û şîdetê vayî bêrê ke îşxalkerîye hînî payra memano. Wa firtinayî înan kerr bikerêke vengê gerîlayan û hemrayanê înan meeşnawê. Wa vînî bibê û hîna rayîrê xo mevînê. Wa adirê gerîlayan de bivêşê ke dewlete rê ders bo. Zerrîya înan wa bibe wele ke koyanê Kurdîstanî ra vejê.

Hûma wa gerîlayanê Heftanînî ke semedê azadîye şer kenê  bipawo ke wa zafêr merdimîye dinya ra vila   bibo.