Êzidîyanê ke vera peymana Bexdad-Hewlêrî ya serê Şingalî bi mengan xo ver danê, Roşanê Şêx Mend û Amadînî pê coşî fîraz kerd. Bi hezaran êzidîyî şîyî qûbeyanê Şêx Mend û Amadînî yê binê koyê Şingalî û înan warê roşanî de xeymî akerdî. Roşan do 2 rojan dewam bikero û êzidîyî qurbanan do bidê.

Qûbeyî seke her roşanî de yeno kerdene ameyî newekerdene. Roja yewine ya roşanî de xeyrî ameyî vilakerdene, seba roja diyîne amadekarîye ameye kerdene. Warê roşanî ame pakîkerdene, şar govende girewte. Êzidîyan rîtuelê xo yê dînî ardî ca. Hetê bînî ra her hetê Şingalî ra hemwelatîyî  verê xo danê warê roşanî.