Seba ke bale biancê hêrişanê îşxalî yê dewleta tirke yê vera Başûrê Kurdîstanî ser û verê şerê zereyî yê kurdan bigêrê 150 aktîvîstê Delegasyonê Mîyanneteweyî yê seba Haştîye û Azadîya Kurdîstanî roja îneyî welatanê cîyayan ê Ewropa ra kewtî rayîr.

Endamê Delegasyonî rixmê astengîyanê Almanya û PDKyî resayî Başûrê Kurdîstanî. Aktîvîstan bi vîdeoyî eşkera kerd ke çira şîyî Başûr û mesajê xo dayî.

4 aktîvîstanê têgêrayîşê femînîstî yê bi nameyê 'Gemeinsam kaempfen' (Têkoşînê Hemparî) û Buroyê Haştîye yê Cinîyan ê Kurdan (Ceni) vîdeoyanê xo de qala 

Aktîvîstîan Marlene û Franzîye îfade kerd ke dewleta tirke herême de çeka kîmyewî şuxilnena û sûcanê şerî kena. Aktîvîstan vist vîrî ke Heyetê Zanistî yê Meclîsê Federalî yê Almanya menganê vîyarteyan de şerê dewleta tirke sey 'vera huqûqê mîyanneteweyî' pênase kerd la reyna zî hukmatê Almanya vera hêrişan bêveng o. Aktîvîstan vat: ''Kamca de benê ca bibê ma ne ê merdim ê ke vera nê sûvan bêveng bimanê.''

Aktîvîstanê Rêxistina Ciwanan ê Çepgîran (links jugend-solid) zî pare kerd ke dewleta tirka ke endama NATOyî ya mengêke ra zêdêr a Başûrê Kurdîstanî dana bombayan ver û huqûqê mîyanneteweyî binpay kena. Aktîvîstan eşkera kerd ke dewan ser o bomayî yenê varnayene, sivîlî kişîyenê û vat: ''Sûcê şerî na herême de her roje yenê kerdene. Mumkîn nêbi ke ma vera ci bêveng bimanê.''

Aktîvîstanê Kampanyaya ''Rheinmetalll Entwaffnnen" zî derheqê sûcanê şerî yê dewleta tirke de qisey kerd û vat: ''Nê sûcî pê çekanê Almanya yenê kerdene. Coka ma nêwaşt bêveng bimanê. Ma wazenê pêro parçeyanê Kurdîstanî de şer biqedo û kurdî mîyanê haştîye de biciwîyê. Coka ma ameyî tîya û waşt vengê xo berz bikerê.''