Komeleya Paştdayîşê Keyeyanê Şehîdan (MEBYA-DER) bi wesîleya Roşanê Qurbanî qezaya Licê ya Amedî de waşt goristananê Sîsê û Çemê Elîkan û qezaya Pîranî de goristanê Pîrîjmanî zîyaret bikero. Komeleya Paştdayîşê Keyeyanê Tepişteyan (TUAYDER), îdarekarê HDP û DBPyî yê bajarî û xeylêk keyeyê şehîdan  zî waşt Goristanê Sîsê zîyaret bikerê. Leşkeranê tirkan goristan girewt binê ablûqa û destûr nêda çew ravêro.

Sîsê de keyeyan dewkewtişê dewa de eşkerayîye daye. Hemsereka  MEDYA-DER Meyreme Soylu vat: '2Na roja bimbareke de her kes wazeno şiro goranê domananê xo ser la destûr nêdanê. No wehşet o. Yewna welat de çîyo winayên çîn o.'' Hemserekê HDPyî yê Amedî Zeyyat Ceylanî zî vat: ''Ma do nê zinciranê cengayinan ê verê haştîye bişikinê. Ma do tim dezgehanê xo ya pîya kiştê keyeyanê şehîdan de bê.''
 

Grûbêka partîyije û merdimanê şehîdan zî waşt Goristanê Çemê Elîkanî zîyaret bikerê. Tîya zî leşkeran destûr nêda. Keyeyan tîya verê goristanî de rêz girewt, dûayî wendî û sloganê ''Şehîdî nêmirenî'' eştî.

 Zîyaretê Goristanê Pîrîjmanî yê Pîranî zî ame astengkerdene. Hemserekê MEBYA-DERî Şehmus Karadagî vat: ''Ma ewro semedê wayîrvejîyayîşê ercanê xo tîya de yê la ê nê rê tehemul nêkenê. Wazenê ke ma ercanê ma ra raqilnê.'' Wekîla HDPyî ya Amedî Dersime Dag zî vat: ''Ma ewro reyna rîyê dîşmenîye dî. Êyê ke wazenê kurdan çîn bikerê do bi xo çîn bibê.''