Vizêr vera Meydanê Teyarayan ê Zîretî yê Erbetî yê Silêmanî hêrişê bi droneyê çekdarî amebi kerdene û hêriş de 3 kesî şehîd bibî.

Vervatoxê Artêşa Pêroyî ya Uraqî Tumgeneral Yahya Resulî derheqê hêrişî de eşkerayîyêke daye.

Yahya Resulî vat: ''Vizêr saete 17.00 de droneyêkê çekdarî yo ke Tirkîya ra perrayo hêrişê Meydanê Teyarayan ê Zîretî yê Erbetî kerd. Hêriş de 3 endamê Îdareyê Antîterorî şehîd bîyî û 3 endamî zî birîndar bîyî.

No hêriş vera serdestîya erdê Iraqî binpaykerdiş o û vera haştî û aramîya herême gef o. No hêriş qanûnê mîyanneteweyî û Neteweyanê Yewbîyayeyan zî binpay kerdî.''

Yahya Resulî pare kerd ke heqê Iraqî est o ke peynîya nê binpaykerdişan bîyaro.