Hemsereko verên ê DBPyî Mehmet Aslan û Wekîlê HDPyî yê Amedî Musa Farisogullarî zî tede  Zîndanê Girewteyî yê Tîpê Dyî yê Amedî de 33 tepişteyî  mabênê tarîxan 14, 15 û 16ê êlule de bi îşkencekerdiş sewqê Zîndanê Girewteyî yê Tîpê Fyî bîyî.

Surgunkerdoxan ra Azîz Tûfanî ke maya xo  Aysele Tûfan de bi telefonî qisey kerd derheqê babete de zananyîş da. Maye Tûfane  vat:  ''Lajê mi pîya ê tepişteyanê bînan dest kelepçekerde ameyî surgunkerdene. Badê surgunî Zîndanê Tîpê Fyî de raştê îşkenceyî ameyî. Xora têna mi ey de 46 sanîye qisey kerd. Me weşîye înan meraq kenê. Derheqê na babete de ma do muracatê Komeleya Paştdayîşê Keyeyanê Tepişteyan (TUAY-DER) û Komeleya Heqanê Merdiman (İHD) bikerê.''

Sîyasetmedarê ke mabênê tarîxanê 14, 15 û 16ê êlule de ameyî sewqkerdene nameyê înan wîna yê: Hemsereko verên ê DBPyî Mehmet Aslan û Wekîlê HDPyî yê Amedî Musa Farisogullarî, Ugur Boztaş, Emrah Durmaz, Sercan Gumuş, Engin Akhan, Mehmet Hanifi Kanat, Barış Sumbul, Ridvan Kaya, Hayati Uzman, Halis Tekin, Sadik Nakçi, Mehmet Acar, Aziz Tufan, Mustafa Argin, Ahmet Salmas, Huseyin Işik, Abdulhalik Kaplan, Heja Algan, Nimetullah Cinkiliç, Serhat Karagoz, Burhan Taş, Şaban Çelik, İhsan Ugur, Kervan Beyhan, Halil Guneş, Serhat Kuşlu û 5 tenê ke nameyê nêameyî zanayene.